wrapper

Oharrak

Azpeitiko Udalak eskaintzen duen formazio eskaintzaren baitan, DBH 2 eta 3ko ikasleen gurasoei zuzendurik, Guraso Eskolak hasi dira aste honetan. Jende ugarik eman zuen izena aste honetan egin den lehen saiorako, eta bi talde egin ziren. Datozen saioak urriaren 17 eta 24an izango dira. 

Azpeitiko Udaleko Gizarte Zerbitzuetako Sailak udazkenerako Guraso Eskolen barruan hiru tailer antolatu ditu. Nerabeen aurrean guraso bezala zer eta nola egin hausnartzen jarraitzea da helburua; eta bereziki kuadrilla eta gazte lokalen gaia jorratuko da batetik, eta sare sozialen ingurukoa bestetik. Besteak beste, honako gaiak jorratuko dira:

  • Gazteen zenbait errealitatez hausnartu: alkohol kontsumoa, lehen harreman sexualak …
  • Lokalak eta gazteak: zer alderdi on ditu? Zein arrisku?
  • Lokaletako alkohol eta drogen kontsumoa.
  • Lokaletako harremanak:lagun artea, sexu harremanak …
  • Guraso bezala zer eta nola egin sare sozialen erabilpenarekin.
  • Diziplina jartzea babesteko eta baloreetan hezteko, ez kontrolatzeko.
  • Ideia irrazionalak eta beldurrak: “nirekin betirako haserretuko da”, “ beste gurasoak uzten dute”, “ gaur egun normala omen da”…
  • Ikastaroak Izar Arregi psikologo-terapeutak gidatuko ditu.

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information