Denon Artean prozesuaren baitan egindako hainbat eskariri erantzun asmoz, eraberritze lanak egin dira Oñatzen. Alde batetik, auzoko plazan dagoen zuhaitzak eragindako hausturak bete dira oinarrian. Eta, bestetik, plazan bertan dagoen etxolatxoa egoera kaxkarrean zegoen eta erabt eraberritu da. Etorkizunera begira, aterpe horretan umeen aisialdirako jolas lekua jartzeko harremanetan dira Udala eta auzotarrak. Obren aurrekontua 10.920€takoa izan da.