1.500 lagunetik gora izan ziren sansebastian bezperan danborra jotzen. 00:00ak baino minutu batzuk lehenagorako sorpresatxo bat ere bazuen gordeta: “Aurten sorpresa gisa gauerdirako minutu batzuen faltan Oihana Labianok bertsoa bota zuen. Une polita izan zen benetan”, azaldu du. Labianoren prestutasuna ere eskertu nahi izan du.
San Sebastian Egunean, berriz, 600 bat haur izan ziren herria danbor hotsez betetzen. Plazan ohi baino pieza gutxiago jo zituzten, eguraldia tarteko: “Euria hasi zuen, eta zertxobait moztu egin genuen plazako momentua”, adierazi du Ibartzabalek. Nekane Azpiazuk egindako karrozak txalo ugari jaso zituen ibilbidean: “Jendeari gustatu zitzaion karroza, eta geure ustez ere ederra da”. Banderaren jaitsiera ere giro onean egin zen, ohi baino talde gehiagok parte hartuta: “Zapatua izanda, jendeak ez zuen etxera joateko presarik, eta danborra jotzen eta ikusten jende ugari izan zen kalean”.
Sansebastianetako argazki galeriak ikusteko klikatu hemen.
