Behar Bidasoak hainbat proiektu ditu garapen bidean dauden herrialdeei laguntzeko. Azpeitiko Udalak 2009. urtetik Ruandan (Afrika) etxebizitza duinak eraikitzeko proiektura bideratu izan du garapen lankidetzarako duen laguntza zatia, beraiek urtero egin ohi den laguntza eskaeretara aurkeztuta.
Urtero, 10 etxebizitza eraikitzen dituzte Ruandan; horretarako urtero, Azpeitiko Udalak hiru edo lau etxe eraikitzeko laguntza bideratu izan du. 2016. urtean ere Behar Bidasoak hiru etxebizitza eraikitzeko dirua eskatu zuen, eta hori posible izateko 9.900 euro bideratu zituen Azpeitiko Udalak. Hala, dagoeneko, azken 8 urteotan 200dik gora etxe duin eraiki dituzte.