"50 urtean herriko merkataritza sustatzeko egindako lana eskertu nahi diegu horrelako urteurren borobilean. Herriari horrelako merkatari txikiek ematen diete bizia eta orain arte bezala herria bizi mantentzeko ahaleginean segitzeko eskatu nahi dizuegu", adierazi du Lizarraldek.
Ibilbide luzeko merkatariei errekonozimendua
Duela zenbait hilabete Otamendi erjolu dendarekin hasi ziren Azpeitiko Udala eta Bertan Merkatari Elkartea ibilbide luzea duten merkatari txikien lana errekonozitzeko ahaleginean. Ordutik ibilbide luzea duten merkatarien datuak bildu asmoz ibili dira eta datozen asteetan urte luzez herrian ateak irekita dituzten hainbat merkatarirengana joango dira, egindako lana errekonozitu eta zoriontzera.