wrapper

Oharrak

Albiste Nabarmenduak

  • Euskal Antzerki Topaketetako kartel lehiaketa abian da
    Euskal Antzerki Topaketetako kartel lehiaketa abian da
    Azpeitiko Udalak gure herrian urtero egin ohi diren Euskadiko Euskal Antzerki Topaketak direla eta, edizio bakoi­tzerako kartel lehiaketa antolatu ohi du. Lanak aurkezteko epea, maiatzaren 2tik 31ra bitartean aurkeztu beharko dira Udalaren Kultur Sailean. Horretaz gain, Antzerki Topaketetean beren obra eskaini nahi duten taldeek apirilaren 28rako aurkeztu behar dute proiektua.  Read more...
  • Balore komunetan oinarritutako Herri Hezitzaile filosofiaren baitako jardunaldia egingo da maiatzaren 6an
    Balore komunetan oinarritutako Herri Hezitzaile filosofiaren baitako jardunaldia egingo da maiatzaren 6an
    Azpeitian badira Herri Hezitzaile filosofiarekin bat egiten duten hamaika proiektu, eta horiek ezagutarazi eta Azpeitian balore komunetatik abiatuta Herri Hezitzaile proiektua abian jarri eta elkarlanean garatzen hasteko abiapuntua jarri nahi da maiatzaren 6ko jardunaldiekin. Izen ematea debalde bada ere, maiatzaren 4ra arte Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera idatzi edo 943 15 71 60 telefonora deitu behar dute parte hartu nahi dutenek.  Read more...
  • Egin errenta aitorpena euskaraz
    Egin errenta aitorpena euskaraz
    2016ko errenta aitorpena egiteko kanpaina ate joka ari da Araban, Bizkaian, Gipuzkoan eta Nafarroan, eta Azpeitiko Udalak Udalerri Euskaldunen Mankomunitatearekin elkarlanean, errenta aitorpena euskaraz egiteko kanpaina jarri du abian, aurten ere. Gipuzkoako Foru Aldundiaren datuen arabera, iaz Azpeitian 7.541 errenta aitorpen egin ziren, eta 3.027 egin ziren euskaraz, %40a pasatxo. Read more...
Ekonomia eta kalitatezko enplegua sustatzeko egiten ari diren bisiten baitan, Sarralle enpresan izan dira Udal ordezkariak

Ekonomia eta kalitatezko enplegua sustatzeko egiten ari diren bisiten baitan, Sarralle enpresan izan dira Udal ordezkariak

Enplegua sustatzeko hartutako neurriak eraginkorragoak izan daitezen gertutik ezagutu nahi du herriko enpresen errealitatea Udalak, eta aurrera begirako erronkak eta asmoak ezagutzeko herriko hainbat enpresa bisitatzen ari da. Enplegua eta, batez ere, kalitatezko enplegua sustatu nahi du, lanpostu berriak sortzeko aukera eskaini dezaketen proiektuak lagunduz.

Azken asteotan albiste izan da Azpeitiko Sarralle enpresa Sidenorrek Basaurin egingo duen inbertsioaren hiru zatietako bat eskuratu ostean. Azpeitiko enpresen errealitatea ezagutzeko Udala egiten ari den bisiten baitan, Eneko Etxeberria eta Aitor Bereziartua Sarralle enpresako arduradunekin bildu dira, lortutako kontratuagatik zoriondu dituzte eta enpresaren egoera gertutik ezagutzen izan dira.

Udal arduradunek azpimarratu dute poztekoa dela Udalarentzat ere, Azpeitiko enpresa batek horrelako kontratua lortzea; horrek, teknologiaren aldeko apustua eta enplegua sortzea esan nahi baitu. Bide horretan, kalitatezko enplegua sortzeko beharra azpimarratu dute enpresako arduradunekin.

Gehiago irakurri
'Francoren bilobari gutuna' eta 'Koaderno zuria' antzezlanetarako bina sarrera zozkatuko ditu Udalak

'Francoren bilobari gutuna' eta 'Koaderno zuria' antzezlanetarako bina sarrera zozkatuko ditu Udalak

Asteartean eman zitzaion hasiera XXXIV. Euskal antzerki topaketei. Aurten inoiz baino indar eta baliabide gehiago jarri behar izan ditu Azpeitiko Udalak; lehenengo aldiz Eusko Jaurlaritzak laguntzarik gabe utzi dituelako topaketak. Baina zailtasunak zailtasun, indartsu dator lehen asteburua; bihar, ostirala, Arte Drama, Le petit theatre de pain eta Dejabu taldeek elkarlanean taularatutako 'Francoren bilobari gutuna' antzezlana izango da 21:30etatik aurrera Soreasun. Etzi, zapatuan, berriz, Hika teatro taldearen 'Koaderno zuria' lanaren txanda izango da. Bi obretan, azpeitiar aktoreen talentuaz gozatzeko aukera izango da, gainera, Erika Olaizola eta Nagore Aranburu izango baitira taula gainean, hurrenez hurren. Eta Azpeitiko Udalak bi antzezlanetarako bina sarrera zozkatuko ditu. Zozketan parte hartu nahi dutenek, bihar, azaroak 4, ostirala 13:00ak aurretik Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera idatzi beharko dute, eta e-postan zehaztu zein zozketatan parte hartu nahi duten.

Gehiago irakurri
Hazparne eta Azpeitiaren arteko senidetzaren 30. urteurrena izango da sanesebastianetako karrozako gaia

Hazparne eta Azpeitiaren arteko senidetzaren 30. urteurrena izango da sanesebastianetako karrozako gaia

Urtarrilaren 20an, San Sebastian egunez, Azpeitian egiten den haurren danborrada dela eta, Azpeitiko Udalak datorren urterako karrozaren diseinua egiteko proiektuen lehiaketa jarri du abian. Karroza honetan herriko ikastetxeetako haurrak joan ohi dira, eta 2017ko karrozaren gaia datorren urtean 30 urte beteko dituzen Azpeitia eta Hazparneren arteko senidetzea izango da. Proposamenak aurkezteko epea azaroaren 30ean bukatuko da.

Gehiago irakurri
Baigera I-eko taberna-jatetxea lehiaketa publikora irtengo du datozen egunetan

Baigera I-eko taberna-jatetxea lehiaketa publikora irtengo du datozen egunetan

Baigera I-eko taberna-jatetxearen ustiapena lehiaketa publiko bidez esleitzeko prozesua abian jarri du Udalak. Datozen egunetan egingo dira lehiaketaren oinarriak Gipuzkoako Aldizkari ofizialean eta Azpeitia.eus webgunean. Hamabost eguneko epea izango dute lehiaketara aurkeztu nahi dutenek beren proposamena udaletxean aurkezteko. Leheiaketari buruzko edozein zalantza duten interesatuek udaletxean bertan izango dute zalantzak argitzeko aukera.

Gehiago irakurri
Santo Tomas Egunean postuak jartzeko eskariak azaroan egin beharko dira

Santo Tomas Egunean postuak jartzeko eskariak azaroan egin beharko dira

Abenduaren 21ean izaten den Santo Tomas Eguna iristeko oraindik asko falta bada ere, Azpeitiko Udala egun hori antolatzeko lanetan. hori dela eta, urtero gisa, azaroan eman beharko da izena txorizo postuak edota elikagaien postuak jartzeko.

Txorizo postua ipini nahi dutenek azaroaren 10etik 23ra eman beharko dute izena udaletxean. Postuen zozketa azaroaren 24an egingo da arratsaldeko 20:00etan Udal Aretoan.

Barazki, fruta, lore, ogia edo etxeko produktuen postuak  ipini nahi dituztenek, berriz,  izena emateko epea azaroaren 30era arte  izango dute irekita. Horiek ere udaletxean eman beharko dute izena.

Edozein zalantza edo argibidetarako Udal Kultura Sailarekin jarri beahrko dute harremanetan interesatuek. Horretarako telefonoa 943 15 70 68 da.

Gehiago irakurri
Behobia-Donostia lasterketan parte hartuko dutenentzat autobus zerbitzua antolatu du Azpeitiko Udalak

Behobia-Donostia lasterketan parte hartuko dutenentzat autobus zerbitzua antolatu du Azpeitiko Udalak

Behobia-S.S lasterketara joateko autobus zerbitzua eskainiko du Azpeitiko Udalak; Behobiako irteerara eramateko soilik izango da zerbitzua.

IZENEMATEA: Azpeitiko igerilekuan.
Prezioa: 8,00 euro.
IRTEERA: (azaroak 13 / igandea)
Azkoitian: 7:10 (liburutegi aurrean).
Azpeitian: 7:20 (igerileku aurrean).

Gehiago irakurri
Azpeitiko Udalak inoiz baino apustu handiagoa egin du aurtengo Antzerki Topaketak antolatzeko

Azpeitiko Udalak inoiz baino apustu handiagoa egin du aurtengo Antzerki Topaketak antolatzeko

Gaur eguerdian aurkeztu ditu Azpeitiko Udalak XXXIV. Antzerki Topaketak, antzerki munduko eragilez inguratuta. Eneko Etxeberriak Antzerki Topaketak egiteak atzean duen lan guztia azpimarratuz hasi du hitzartzea: "34 urtean topaketek iraun dezaten atzean lanordu asko daude. Urtero-urtero lan handia egiten da Euskal Antzerki Topaketak antolatzeko, eta eskerrak eman nahi dizkiet denei". Aurten, gainera, Udalak egindako esfortzua handiagoa izan dela ere salatu eta azpimarratu nahi izan du: "Aurten, 34 urtean lehen aldiz, Eusko Jaurlaritzak ez du diru-laguntzarik eman topaketa hauek antolatzeko. Salatu behar dugu topaketak lagundu beharrean hiribururen batera bideratuko zutela laguntza. Baina Azpeitiko Udalaren apustua sendoa da, Antzerki Topaketak betiko indarrez egiteko apustua egin dugu, eta horrela jarraituko dugu egiten". Salaketa horrekin bat egin dute EHAZE eta Zestoako Interpretazio Zentroko kideek ere. Etxeberriak bukatzeko ikusleak izan ditu gogoan: "ikusleak dira hust egin izan ez duten bakarrak orain artean, eta aurtengoan ere horixe eskatu behar diegu antzerkizaleei; ez huts egiteko eta etortzeko Antzerki Topaketez gozatzera ".

Gehiago irakurri
Dena prest zapatuko XI. Libre Ardo Dastaketa Egunerako

Dena prest zapatuko XI. Libre Ardo Dastaketa Egunerako

Dena prest da zapatuko Ardo Egunerako. 23 upategiren ardoak izango dira 11:30etatik 14:30ak bitartean, Plazan XI. Libre Ardo Dastaketa Egunean. Azken urteotako gisara Euskal Herriko IV. Txorizo Egosi Lehiaketa ere egingo dute, eta 30 harakin inguruk parte hartzea aurreikusten dute antolatzaileek. Mikel Ibarzabal Festa batzordeburuak azaldu duenez, azken urteotako ardo dastaketa egunen oso antzekoa izango da: "Urtez urte saiatzen gara gauzak egokitzen eta hobetzen, baina ondo funtzionatzen du Ardo Egunak eta bere horretan mantentzen dugu" adierazi du. Gogoratu du kopak bost eguroan salduko direla, eta 5 ardo txartel jasoko direla koparekin batera. 

Zigor Odriozolak "maila oneko" ardo dastaketa izango dela aurreikusi du eta ardo txuri berezi bat ekarriko dutela aurreratu du.

Gehiago irakurri
Azpeitiko kirola eta kirolarien kalitatea hobetzeko formazio saioak antolatuko ditu Udalak, Kirol Kahaiarekin elkarlanean

Azpeitiko kirola eta kirolarien kalitatea hobetzeko formazio saioak antolatuko ditu Udalak, Kirol Kahaiarekin elkarlanean

Kirola eta ariketa fisikoaren esparruan milaka herritar aritzen dira Azpeitian, eta horren garrantziaz jabetuta, eremu horretan ere hezkuntza eta formazioa ezinbestekoa dela uste du Udalak. "Adin, izaera eta bilakaera ezberdinetako herritarrek egiten dute kirola edo ariketa fisikoa, eta guztietan dago zer hobetua eta zer ikasia. Oso garrantzitsua iruditzen zaigu kirolaren eremuan osasuna, segurtasuna, praktika zuzenak eta jarrera egokiak lantzea, eta horretarako adituen hitzaldiak eta ikastaroak ezinbestekoak direla uste dugu", adierazi du Estitxu Elduaien Kiroletako batzordeburuak. Diagnosi horrekin bat egiten du Azpeitiko Kirola Mahaiak ere, eta horregatik, azken hilabeteetan gai hori jorratzen aritu dira hainbat bileratan.

Gehiago irakurri
Hamar elkarrizketetatik zortzi euskaraz izaten dira Azpeitiko kaleetan

Hamar elkarrizketetatik zortzi euskaraz izaten dira Azpeitiko kaleetan

Azpeitiko Udalak Soziolinguistika klusterraren bitartez Azpeitiko hizkuntza-erabileraren era hitanoaren presentziaren neurketa egin du. Kale entzuketan udaberrian, apirilean egin ziren, eta ondorioak atera ostean, gaur aurkeztu dituzte emaitzak.

Gehiago irakurri

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information