wrapper

Oharrak

Kultur sorkuntzaren bidez, baloreak landuz

Kultur sorkuntzaren bidez, baloreak landuz

Asteazkenean hasiko dira Iraurgi Ikastetxeko 14 eta 18 urte bitarteko ikasleak mundu mailak ezagun den Gen verde taldearen 'In the other side' ikuskizuna osatzeko tailerrak hartzen. Gen Verde 15 nazio ezberdinetako 20 emakumek osatutako taldea da, eta musika eta kantuaren bidez tolerantzia, bakea, elkarlana edota elkartasuna bezalako baloreak lantzen dituzte.

Gehiago irakurri
Etxebizitza beharraren inguruan egindako inkestaren berri emateko bilera egingo du Udalak datorren asteazkenean 19:00etan, pleno aretoan

Etxebizitza beharraren inguruan egindako inkestaren berri emateko bilera egingo du Udalak datorren asteazkenean 19:00etan, pleno aretoan

Udal baten zereginik garrantzitsuena etxebizitzen inguruko politikak zehaztu eta abiatzea da, Josu Labaka zinegotziak gaurko prentsaurrean azaldu bezala, "gaur hartutako erabakiek biharko Azpeitia marraztea baldintzatzen" dutelako.

Gehiago irakurri
Trikiti Jaialdiak ez du hutsik egingo aurtengo sanjosetan ere

Trikiti Jaialdiak ez du hutsik egingo aurtengo sanjosetan ere

Gaur aurkeztu dute zapatu arratsean izango den San Jose Trikiti Jaialdia. Azken 10 urteotan bezala, Euskal herriko Trikiti Elkarteak eta Azpeitiko Udalak antolatu dute Josu Labaka Kultura batzordeburuak azaldu bezala "hain gurea den trikitiaren festa".

Zapatuan, 17:30ean hasita, Soreasuko oholtzara igoko dira Mirari Azkune eta Aintzane Agirrebeña, Maixa Lizarribar, Errekalde Anaiak, Azkonobieta anaiak, Jexux Izeta, Jone Uria eta Julene Otegi, Aire Ahizpak eta Tapia eta Leturia.

Gehiago irakurri
Gipuzkoako Jubilatuen Flashback festa, martxoaren 25ean, Azpeitian

Gipuzkoako Jubilatuen Flashback festa, martxoaren 25ean, Azpeitian

Martxoaren 25a, festa eguna izango da Azpeitian. Izan ere, gaur eguerdian aurkeztu dute Udalak, Baigera elkarteak eta Loadinn ikasle elkarteak antolatutako jubilatuentzako festa.

Gehiago irakurri
Udal erakusketa areto berria, irekitzeko prest

Udal erakusketa areto berria, irekitzeko prest

Azpeitiko Udalak erakusketa areto berria atondu du Foruen Pasealekua 7. zenbakiak duen bere jabetzako lokalean. Hastear diren Betharram eraikineko obrak direla eta, orain arte eraikin horretako beheko aretoan egin izan diren erakusketak egiten segitzeko egokitu da berria.

60 metro koadro ditu Udal erakusketa areto berriak, eta bihar arratsaldetik aurrera hartuko du lehen erakusketa; Emakumeen Nazioarteko egunaren harira herriko haur eta gaztetxoen lanak izango dira ikusgai.

Gehiago irakurri
Emakumeen Nazioarteko Egunaren harira, Adierazpen Instituzionala

Emakumeen Nazioarteko Egunaren harira, Adierazpen Instituzionala

Martxoaren 8a da, Emakumeon Nazioarteko Eguna. Urteetako borrokak gogoratzeko eta ospatzeko aukera ematen digu baina, batez ere, emakumeon egoeraren inguruko hausnarketak partekatu eta balantzea egiteko aukera ona izaten da.

Gehiago irakurri
Haurrek igerian ikasteko saioetan, plazak libre

Haurrek igerian ikasteko saioetan, plazak libre

Martxoaren 21ean 3-4 urteko haurrek igerian ikasten hasteko abian jarriko den ikastaroan lekua dago oraindik. Ikastaroa 17:30etatik aurrera izango da eta interesa dutenek igerilekura jo beharko dute izena emateko. 

Apirilean hasita, zapatutan, zazpi hilabete eta bi urteko aurren igeriketa saioetan ere oraindik gelditzen dira plaza batzuk. Beraz, interesa dutenek igerilekura jo beharko dute. 

Gehiago irakurri
140 zuhaitz inguru landatuko dira igandeko Zuhaitz Egunean

140 zuhaitz inguru landatuko dira igandeko Zuhaitz Egunean

Udalak, herriko 4 ikastetxeak, Baigerak, Ingurugiro Etxeak, Lagun Onak Mendi Bazkunak, Baratza konunitarioak elkarlanean antolatu dute igandean, martxoak 5, egingo den Zuhaitz Eguna. Azken urteotan indarra hartzen ari den ekintza da, eta aurten, beste bultzada bat eman nahi izan zaio: "Herriko berdeguneen zaintza eta zainketaren baitan kokatzen dugu Zuhaitz Eguneko landaketa. Gure herriko berdeguneen inguruko sentsibilizazioan eragin nahi dugu, eta gune horiek balioan jarri", adierazi du Josu Labaka zinegotziak.

Gehiago irakurri
Hiru formazio ikastaro berri Deustuko Unibertsitateak eskainita

Hiru formazio ikastaro berri Deustuko Unibertsitateak eskainita

Azpeitiko Udalak hiru ikastaro berri antolatu ditu Deustoko Unibertsitaearekin. Martxoan hasiko dira hiru ikastaroak eta izen emateko epea zabalik dago, dagoeneko.

Gehiago irakurri
Karnabalak ikusgarriak egiteagatik, eskerrak herritarrei

Karnabalak ikusgarriak egiteagatik, eskerrak herritarrei

Ikaragarriak izan dira aurtengo karnabalak. Kaldereroetatik hasi, eta Elegante Egunean zein Astelehen Karnabalean izugarria izan da herritarren parte hartzea. Horregatik, "eskerrak eman nahi dizkiegu festa hauetan parte hartu duten herritar guzti-guztiei", adierazi du Festa Batzordeak.

Eguraldiak lagundu du, baina baita herritarrek ere. Ehundaka lagun izan ziren kaldereroetan zartagina eskuan zutela kaleetan kantuan. Elegante Eguna ere giro ezin hobean joan zen, eta Astelehen Karnabalekoa zaila da hitzez azaltzen. Goizean goizetik haur eta heldu, mozorrotuta ibili ziren kalean. Ikusgarria izan zen herritarrek nola landutako mozorroak atera zituzten kalera. Familian, lagun artean... adostu eta koadrila handietan landutako hamaika mozorro ikusteko aukera izan zen, goizetik ordu txikiak arte. "Herritarrek egin dituzte festa hauek ikusgarri, eta guri eskerrak ematea tokatzen zaigu", adierazi dute.

Gehiago irakurri

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information