wrapper

Oharrak

Azpeitiko Bizikidetza Foroko hiru emakumeren mahaingurua bihar

foroa

Bihar, urtarrilak 10, 19:30etatik aurrera Emakume Txokoan, bi urtez Bizikidetza Foroan parte hartu duten hiru emakumek beren esperientziatik abiatuta Mahainguru batean parte hartuko dute. Alaitz aguado, Mertxe Urtuzaga eta Miren Odriozolak, Aitziber Blanco Herritarren Bizikidetza Foroko dinamizatzailea izango dute mahaingurua gidatzen. 

Gehiago irakurri

Eskerrak Erregeen Kabalgata posible egin zenuten guztioi

errege kabalgata

Azpeitiko Udalak Errege kabalgatan parte hartu zuten guztiei eskerrak eman nahi dizkie. Herritar horien laguntza eta borondatea ezinbestekoa izan zen, beste behin, horrelako ekimen berezia antolatu eta aurrera eraman ahal izateko.

Aipamen berezia egin nahi zaie beren parte hartzeagatik Banco Sabadell, Bankinter, Bankoa, BBVA, Caixa, Caja Rural, Eroski, Eroski (Gureak), Kutxabank, Laboral kutxa, MRW, Super BM, Zezen Beltz Elkartea eta Trenaren Museoari. eta nola, ez, bolondres lanean aritu ziren herritar guztiak ere eskartu nahi dira.

Gehiago irakurri

Errege zozketak baditu sarituak

Errege zozketa

Herriko dendetan zenbakidun txartelak banatu dituzte abaenduaren 26tik urtarrilaren 5a bitartean, eta Errege Kabalgataren ostean, Meltxor, Gaspar eta Baltasarrek zenbaki sarituak atera zituzten. Hiru lagunek, 500 euroko opari txartela irabaziko dute. Honakoak dira zenbaki sarituak: 

 
35831 zenbakia (YURITZ Oinetakoak dendan banauta)
42075 zenbakia (SANTI LAZKANO dendan banauta)
20607 zenbakia (KONTXI Arraindegian banauta)
 
Sarituek urtarrillen 31ra arte dute saria jasotzeko. Horretarako Udalarekin (943 25 72 00) edota Bertan Merkararitza Elkartearekin (943 02 56 73) jarri beharko dute harremanetan. 

 

Gehiago irakurri

Kirol Patronatuak 2017. urtean ere hobekuntzak egingo ditu

 

igerilekua

Herritarrei kirola egiteko ahalik eta aukera zabalena eta azpiegitura egokienak eskaintzea da Udalaren nahia, eta hori gauzatzeko lanean dihardu Kirol Patronatuaren bidez. Bide horretan, aurrerapauso handia eman zen duela urte eta erdi, igerilekuko eraikina berrituta: ordutik, gimnasio handiagoa eta doakoa dauzka Azpeitiak, sauna lehorra eta bustia ere bai, aldagela berriak, eta astelehen goizetan ere ireki egiten dira instalazioak. Ondorioz, bazkide kopuruak nabarmen egin du gora eta une honetan 6.350 herritarretik gora dira Udal Kirol Patronatuko kide."Hobetzen jarraitu nahi dugu, herritarrek ahalik eta kirol eskaintza publiko onena izateko helburu bakarrarekin. Horregatik, eta urte honetan herritarrekin egindako hainbat bileretan jasotako ekarpenen ondoren, datorren urterako hainbat berrikuntza ere aurreikusiak ditugu", adierazi du Estitxu Elduaien Kirol zinegotziak, eta Kirol Patronatuko lehendakariak. Etengabeko hobekuntza da erronka, baina zerbitzu publikoa dela jakitun, "diru publikoaren kudeaketak eskatzen duen arduraz jokatuta" egiten dutela azpimarratu du Elduaienek.

Gehiago irakurri

Mendea baino gehiago Otamendi erloju dendak, Azpeitiari ordua jartzen

otamendi erloju denda

Otamendi erloju dendak 100 urte bete ditu familiaren eskuetan. Mende bat erlojuei eta merkataritzari kordea eman eta herriari ordua jartzen. Udalak urte guzti horietan herriko merkataritzaren alde egindak olan guztia eskertu nahi izan die, eta Agustin Lizarralde Merkataritza zinegotzia eta Maite Martinez teknikaria aste honetan izan dira dendan, Jesus Otamendi eta familia osoa zoriontzeko eta egindako lana errekonozitzeko Udalaren oroigarria ematen. "100 urtean herriko merkataritza sustatzeko egindako lana eskertu nahi diegu horrelako urteurren borobilean. Heriari horrelako merkatari txikiek ematen diete bizia", adierazi du Lizarraldek. Zorionak otamenditarrei! 

Gehiago irakurri

Sukaldaritza makrobiotikoaren inguruko ikastaroa

Urtea bukatzear da eta Azpeitiko Udalaren Gazteria Saila hasi da hurrengo urtera begira, ekintzak zehazten. Bide horretan, datorren urtarrilean abian jarriko da sukaldaritza makrobiotikoko ikastaroa. Ikastaro hori sukaldaritza makrobiotikoan hasiberriak direnei zuzendutakoa izango da eta lau astearte arratsaldetan egingo da Azpeitiko Gaztelekuan. Datak honako hauek izango dira: urtarrilaren 17a, 24a eta 31 eta otsailaren 7a.

Izen-ematea Gabon oporren ondoren irekiko da; urtarrilaren 9tik aurrera.

Gehiago irakurri

Azpeitian Tecnaliak duen zentro teknologikoaren azken proiektuak ezagutzen izan dira Udala eta hezkuntza eragileak

tecnalia

Eneko Etxeberria Azpeitiko alkatea, Leire Goenaga Hezkuntza zinegotziarekin eta Maje Agirre (Iraurgi ikastxetxeko zuzendaria), Alberto Izagirre (Urola Azpeitia-Azkoitia BHI ikastetxeko zuzendaria), Arantxa Bidezabal (Azpeitiko Ikastola Ikasberri Koop.eko zuendaria) eta Aloña Larrañaga Udalaren Gazteria teknikariarekin batera Tecnaliak Azpeitian duen teknologia zentroko azken proiektuak ezagutzera gerturatu dira.


Izan ere, azken urteotan Azpeitiko Anardi eremuan kokatuta dagoen zentro teknologia erabat eraldatu da, eta bere bidea energia eta puntako teknologiaren bidean kokatu du. Atzean geratu da Cidemco bezala ezagutzen zen egurrari dedikatuta zentroa; eta, une honetan, punta-puntako teknologia erabiltzen duen zentroa da Azpeitikoa. Lantzen dituzten gaietan Europako erreferentzia da Azpeitiko Tecnalia, eta herritarrei irekitzeko, batez ere ikasleei, apustua egiten du Udalarekin batera.

Gehiago irakurri

Erregetako zozketa antolatu du Udalak, herriko merkataritza txikia sustatzeko

Erregetako Zozketa - Aurkezpen argazkia

Abenduaren 26tik urtarrilaren 5era bitartean, zozketa berri bat izango da Azpeitiko merkataritza dendetan. Azpeitiko Udalaren ekimenez, 500 euroko 3 erosketa bono zozkatuko dira. "Gabon garai honetan ere bertan erosteko eta bertako merkataritza bultzatzeko gure aletxoa jarri nahi izan dugu", adierazi du Agustin Lizarralde merkataritza zinegotziak.

Zozketaren ezaugarriak

Abenduaren 26tik urtarrilaren 5a bitartean zozketarekin bat egin nahi izan duten herriko dendetan zenbaki dun boletoak banatuko zaizkie bezeroei. Urtarrilaren 5ean egingo da zozketa, erregeen etorreran. Hiru zenbaki saritu izango dira; bakoitzak 500 euroko erosketa txartela jasoko du Azpeitiko dendetan gastatzeko. Irabazleek urtarrilaren 31ra arte izango dute Udalarekin edo Bertan Merkataritza Elkartearekin harremanetan jartzeko. Epe horren ostean, ordezko zenbakiek eskuratu ahal izango dute bonoa.

Gehiago irakurri

Eromen produkzioak taldeak jaso du Antzerki Topaketetako ikuslegoaren saria

ikuslegoaren saria

Atzo, Santo Tomas Eguna, jaso zuen Eromen Produkzioak Zestoako taldeak XXIV. Euskal antzerki Topaketetan irabazitako ikuslegoaren saria. Josu Labaka Kultura zinegotziak saria "pozez" ematen zuela adierazi zuen: "Jaso daitekeen saririk preziatuena ikusleek emandakoa izan daiteke antzerkiaren munduan, eta eskualdeko talde amateur bati topaketetako ikusleek horrela erabakita saria ematea pozgarria da oso guretzat", adierazi zuen. Eromen antzerki taldetik etorritako ordezkariek saria "ilusioz" jaso zutela adierazi zuten; "elkarlanaren fruitua da saria, eta oso gustura gaude" adierazi zuten. 

Gehiago irakurri

Santo Tomas Eguna, giro ederrean

plaza

Eguraldiak eusti zion, eta giro ederraz gozatzeko aukera izan zen atzo Azpeitian. Asteguna zela nabari zen goizean, baina egunak aurrera egin ahala, jende ugari bildu zen plaza inguruko postuetara talo eta txorizoa jan etadantzara.

Goizean goiz hasi zen plaza betetzen, eta eguerdirako, jende mordoa bildu zen herri kirolak eta bertsolariak ikusiaz, txorizo eta taloez gozatzeko. Artisau eta baserritarren postuak aurten, azoka plazako obren ondorioz Done Jakue kalean izan ziren, eta Frontoi Txikian Ilunpeko pilotariek ikuskizun bikaina eman zuten  Patxi Azkargorta Memorialeko finaletan.

 

Gehiago irakurri

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information