- 07/11/2023
Txorizoa, ardoa eta gazta dastatzeko aukera izango da 16. Ardo Dastaketa Egunean
Ardoa eta txorizoa izango dira protagonista, larunbatean, Azpeitiko plazan: 16. aldiz egingo da Ardo Dastaketa Eguna, eta hamalau upategik parte hartuko dute. Horrekin batera, 9. Euskal Herriko Txorizo Egosi Lehiaketa ere izango da, eta 22 harategi ariko dira lehian. Gaur eman dituzte egitarauari buruzko xehetasunak Mikel Odriozola Azpeitiko Udaleko Festa batzordeburuak, Valentin Odriozola Edertoko ordezkariak, Ainhoa Maiztegi Gipuzkoako Merkatarien Federazioko kideak eta Gaixo eta Elbarrien Aisialdi Taldeko ordezkariek.
Gehiago irakurri
- 03/11/2023
Aurrekontu parte hartzaileetan, aurrez aurreko batzarrak indartuko ditu Azpeitiko Udalak
Aurrekontuak eta parte-hartzea lotuta doaz Azpeitian. Azken urteetan, hainbat bide jarri izan ditu udalak herritarren ekarpenak jasotzeko, eta lan egiteko modu hori indartu egingo du aurten, aurrez aurreko harremanei garrantzi handiagoa emanez. Hain zuzen ere, landa eremuko auzoetan ez ezik, herrigunekoetan ere batzarrak antolatu ditu. Hamaika izango dira guztira: Aratz-errekan, Loiolan, Urrestilan, Matxinbentan, Nuarben, Lasaon, Oñatzen, Elosiagan, Sanjuandegin, Alde Zaharrean eta erdigunean.
Gehiago irakurri
- 03/11/2023
Asteartean, azaroak 7, azaroko ohiko plenoa egingo da
Datorren asteartean, azaroak 7, azaroko ohiko plenoa egingo da; 19:00etan hasiko da, udaletxeko pleno aretoan. Besteak beste, indarkeria matxistaren biktima diren emakumeei arreta emateko bigarren erakunde arteko protokoloa landuko da.
Gehiago irakurri
- 03/11/2023
Jordi Savall eta Les Concert des Nations ikustera joateko autobusa, doan
Kursaal Eskura egitasmoari esker, autobusa egongo da Jordi Savall zuzendariak eta Le Concert des Nations orkestrak Donostiako Kursaalen eskainiko duten kontzerturako. Kontzertua azaroaren 14an, asteartea, izango da, 19:30ean. Hara joateko autobusa, berriz, 18:15ean aterako da anbulatorio aurretik. Autobusa doakoa izango da, baina beharrezkoa da izena ematea, azaroaren 8a baino lehen. Izena emateko, Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera idatzi edo 943157068 zenbakira deitu behar da.
Gehiago irakurri
- 02/11/2023
Abian da txikizkako merkataritzari laguntzeko zenbait zerbitzuren eta hornigairen lizitazioa
Merkatuei, hirigune komertzialei, salerosketa ez-sedentarioari eta merkaturatzeko bideei laguntzeko NEXT funtsen barruan, Azpeitiko Udalak zenbait zerbitzuren eta hornigairen lizitazioa jarri du martxan. Proposamenak aurkezteko epea azaroaren 14an amaituko da.
- 02/11/2023
Trikitia izango da aurtengo haurren karrozaren gaia
Urtarrilaren 20an, San Sebastian Egunez, Azpeitian egiten den haurren danborrada dela eta, Azpeitiko Udalak datorren urterako karrozaren diseinua egiteko proiektuen lehiaketa antolatu du. Trikitia izango da karrozaren gaia, eta azaroaren 30erako aurkeztu beharko dira proiektuak.
Gehiago irakurri
- 31/10/2023
Agerraldi jendetsua, euskararen aurkako oldarraldia salatzeko
Herriko hainbat eragilek eta herritarrek agerraldia egin zuten, atzo, Azoka plazan, hizkuntza politika aurrerakoiak mugatzeko eta herritarron hizkuntza eskubideak murrizteko azkenaldian izan diren epaiak salatzeko. “Nahikoa da! esateko bildu gara Azoka plazan. Euskal Herrian euskaraz bizi nahi dugu, edozein alorretan bizi ere. Euskaldunok horretarako eskubidea dugu, eta hori ahalbidetzeko neurriak hartzen gabiltza”, esan zuten. Horrek ez dakarrela euskaldun ez direnen eskubideak murriztea gaineratu zuten.
Gehiago irakurri
- 31/10/2023
Adimen emozionalari buruzko tailerra, Basazabalen
Gipuzkoako Foru Aldundiaren Treba Gazteak programaren barruan, adimen emozionalari buruzko tailer bat antolatu du Azpeitiko Udalak. Adimen emozionala: zer da sentitzen dudana? galdera izango dute ardatz partaideek. Azaroaren 8an izango da, 17:30etik 20:30era, Basazabalen. 18-30 urte bitarteko gazteei zuzenduta dago, eta Ainhoa Urretagoienak gidatuko du.
- 31/10/2023
Santo Tomas egunean postuak jartzeko eskaerak, azaroaren 15era arte
Santo Tomas egunean txorizo postua jarri nahi dutenek nahiz barazki, fruta, lore, ogi edo etxeko produktuen posturen bat jarri nahi dutenek azaroaren 15a baino lehen egin beharko dute eskaera. Udalaren web orriaren bidez egin daiteke tramitazioa, edo, bestela, aurrez aurre, udaletxean.
Gehiago irakurri
- 30/10/2023
Zabalik dago Kirol sarietarako hautagaiak aurkezteko epea
Ohi bezala, Azpeitiko Udalak, Kirol Mahaiaren lankidetzarekin, Kirol sariak banatuko ditu abenduan, eta hautagaiak aurkezteko epea zabaldu du. Azaroaren 15era arteko epea izango dute kirol taldeek nahiz herritarrek beren proposamenak egiteko.
Gehiago irakurri