wrapper

Oharrak

Hondakinen bilketa sistema berria ezartzeko bilerak egingo dira astelehenetik aurrera

Hondakinen bilketa sistema berria ezartzeko bilerak egingo dira astelehenetik aurrera

Urte bukaerarako hondakinen bilketa sistema berria izatea aurreikusten du Udalak, eta horretarako hiru fasetan egingo den lanketa aurkeztu dute Eneko Etxeberria Alkateak, Aitor Bereziartua Urola Erdiko Mankomunitateko Lehendakariak eta Estitxu Elduaien alkateordeak. Lehen fasean landa-eremuko ekarpen guneak jarriko dira abian, eta astelehenean bertan hasiko dira auzoetan bilerak egiten, sistemaren nondik norakoak azaltzeko. 

Gehiago irakurri
Hiru ikastaro berri Deustuko Unibertsitatearekin elkarlanean

Hiru ikastaro berri Deustuko Unibertsitatearekin elkarlanean

Azpeitiko Udalak udazkeneko ikastaroen eskaintza zabaltzen segitzen du. Hala, hiru ikastaro berri antolatu ditu Deustuko unibertsitatearekin elkarlanean. Larrialdi juridikoetarako botikina, Negozio baten garapenerako erreminta digitalak eta Sormen lidergotzari buruzkoak izango dira. Izen ematea irekita dago. 

Gehiago irakurri
Udalak eta Etxebizitza Sailak Esklabetako eraikinean alokairu sozialeko 45 etxebizitza eraikitzeko hitzarmena adostu dute

Udalak eta Etxebizitza Sailak Esklabetako eraikinean alokairu sozialeko 45 etxebizitza eraikitzeko hitzarmena adostu dute

Proiektuak 3,6 milioiko aurrekontua du, eta obrak datorren urtean asiko dira. Batez ere gazteei zuzenduriko lokairu sozialeko 45 etxebizitza inguru Esklabetako eraikinean egiteko hitzarmena adostu dute Eusko Jaurlaritzako Etxebizitza Sailak eta Azpeitiko Udalak. Hitzarmena atzoko urriko plenoan onartu zuen Udalak eta orain Etxebizitza Sailari dagokio hitzarmena sinatu eta proiektua abian jartzeko tramiteak egitea.

Gehiago irakurri
Katalunia bizitzen ari den egoerari buruzko adierazpen instituzionala

Katalunia bizitzen ari den egoerari buruzko adierazpen instituzionala

Azpeitiko Udalean ordezkaritza dugun alderdi politikook, Kataluniako Herria bizitzen ari den une historiko honetan zera adierazi nahi dugu.

Gehiago irakurri
2018an tasa eta zergak ez ditu igoko eta hobariak indartuko ditu Udalak

2018an tasa eta zergak ez ditu igoko eta hobariak indartuko ditu Udalak

 

2018an udal zerga eta tasetan igoerarik ez egitea onartu du Udalak. Herriaren eta herritarren egoera ekonomikoa hobetzen ari bada ere, krisiaren unerik latzenean %17ko tasa izan zen, eta azken datuen arabera orain %9,3koa da oraindik ere herritarren ahalegina handia dela jakitun da Udala, eta, horregatik, zerga eta tasak bere horretan uztea erabaki du: "Oker pasatu duten familiak oraindik ere errekuperatzen ari dira, eta herritarrekin dugun konpromisoa aintzat hartuta, keinu bat egin eta tasa eta zergak ez igotzea erabaki dugu", adierazi du Eneko Etxeberria alkateak. 

Gehiago irakurri
Udazkenean UEUko bi ikastaro berri eskainiko dira Azpeitian

Udazkenean UEUko bi ikastaro berri eskainiko dira Azpeitian

Azpeitiko Udala indar berezia egiten ari da azken urteotan formakuntzaren bidez herritarrak hezteko; hezteko eguneroko bizitzarako eta lan mundurako. Bide horretan, hainbat eragilerekin antolatzen dituzten ikastaroaz haratago, pauso kualitatibo bat eman eta UEU eta Deustoko unibertsitatearekin lortutako akordioen bidez erakunde horiek ikastaroak herrian bertan izateko aukera dago.

Gehiago irakurri
Otaegiren kereila Espainiako auzitegiek tramitera onartu ez dutenez, Argentinakora batzeko tramiteak hasiko dituzte Udalak eta familiak

Otaegiren kereila Espainiako auzitegiek tramitera onartu ez dutenez, Argentinakora batzeko tramiteak hasiko dituzte Udalak eta familiak

Bihar, irailak 27, 42 urte beteko dira Angel Otaegi Burgosen (Espainia) fusil tiroz hil zutela. Urteurrenean jakinarazi dute Eneko Etxeberria alkateak, Mertxe Urtuzaga Angelen senideak eta Mikel Elorza auziko abokatuak, iaz Azpeitiko auzitegian jarritako kereilak Espainiako auzitegietako bide arrunta tramitera onartu ere egin gabe bukatu duela, eta, hori ikusita, 2012an Argentinan hasitako kereilara batzeko tramiteak hasiko dituztela. 

Gehiago irakurri
350.000 euro ekonomian eragin eta lanpostu duinak sortzeko herrian

350.000 euro ekonomian eragin eta lanpostu duinak sortzeko herrian

Krisi ekonomikoaren urterik gogorrenetan, enpresak egoera larrian eta langabezia datu kezkagarriak ziren unean, 2013. urtean Udalak hitzetatik ekintzetara egiteko pauso garrantzitsua eman zuen herriko ekonomia indartzeko sustepen ekonomikorako diru laguntzak abian jartzean. Ordutik, urtez urte gero eta eskaera gehiago jaso dira, eta gero eta ezagunagoak dira herritarren artean ere. "Laguntza hauek garatzerako garaian gure harreman sarea jarri genuen martxan; lehen sektoreki, merkataritzako, zerbitzuetako eta industriako eragileekin bildu ginen. Beharrak aztertu eta landu ostean osatu genituen laguntzak, eta urtez urte herritarren beharretara egokitzeko ahalegina egin dugu. Gaur egun, oraindik ekarpenetara irekiak gaude", adierazi du Eneko Etxeberria alkateak.

Iaz, lehen aldiz diru guztia banatu zela azaldu du Estitxu Elduaien zinegotziak: "Urtez urte gero eta eskaera gehiago jaso dira. Iaz 89 eskaera jaso genituen, eta diru guztia banatu zen". Horregatik, aurten, diru kopurua handitu du Udalak, eta 350.000 euroko diru-laguntza da.

"Herrian emaitzak ikusten ditugu, abian jartzen diren proiektuen berri izaten baitugu. Horretaz gain, ordea, beste hainbat Udaletatik ere etorri izan zaizkigu laguntza hauen inguruko informazio eske, eta hainbatek jari dituzte abian, gure antzera", aipatu du Etxeberriak.

Beste hainbat faktoreren artean, Azpeitiko langabezia tasa baxua laguntzen ondorio ere badela uste du Etxeberriak: "Langabezia tasa baxua dugu, baina lanpostuen prekaritateak eta lan baldintza eskasek asko kezkatzen gaituzte. Horri aurre egiteko ere badira laguntza hauek. Krisi aurretik baino soldata eta baldintza eskasagoak ditugu gaur egun orohar, eta horri aurre egitea dugu erronka", zehaztu du. 

1. Emaitza bezala enpleguaren sorrera duten proiektu ekintzaileak eta izaera soziala dutenak sustatzeko laguntzak. Gehienez 40.835 €ko kopurua bideratuko da.

Helburu soziala duten proiektuak ekintzaileak lagunduko dira eta inplizituki balore solidarioak, komunitarioak eta gizarte-justiziakoak barneratzen dituztenak eta gizartearen onurakoak direnak.

2.   Merkataritza sektorean eta/edo lehenengo sektorean enplegua eta ekonomia sustatzeko laguntzak. Gehienez 46.665 €ko kopurua bideratuko da.
Langileak kontratatzea.

  • Merkataritzza arloko lehiakortasuna eta lehen sektorea sustatzzeko ekintzzak edo jarduerak egitea.
  • Lehen sektoreko herriko produktuen kontsumoa.
  • Lokalek edo komertzioek burutzen dituzten jarduerak edo inbertsioak egokitzeko eta behar berrietara moldatzeko (adibideak modu orientagarrian: lokalak handitzea, negozio lerro berriak sortzea, erakusleihoak berritzea, etabar).
  • Lehenengo sektorea ezarri, eraberritu edo finkatzea.
  • Azpeitiko Alde Zaharrean, Nuarbe auzoan eta Urrestillan merkataritzako edo lehen sektoreko jarduerak jartzea.
  • Azpeitiko Alde Zaharrean merkataritzako edo lehen sektoreko jarduera xede duten lokalen alokairuak.

3.  Enplegua sortu edo mantentzen duten industria-proiektu estrategikoak eta berritzaileak eta inbertsio proiektuak bultzatzera bideratutako diru-laguntzetarako, gehienez 192.500 €ko kopurua bideratuko da.


Enplegua sortu eta mantentzeko zailtasunari aurre egiteko laguntza lerroa da honakoa. Diru-laguntza hau jaso ahal izango dute deialdia argitaratu aurretik sortuak dauden eta 250 langile baino gutxiago dituzten enpresek. enpresa txiki eta ertainentzat askotan zaila izaten da industria-proiektu estrategikoak gauzatu eta garatzea edo instalazioak egokitu edo erosteko inbertsioak egitea eta horretan laguntzen du lerro honek.

4.  Ekintzailetasuna sustatuz, bereziki gizarte-ekonomian eta izaera estrategikoa edo berritzailea duten jardueratan enpleguaren sorrera bultzatzeko diru-laguntzetarako, gehienez 70.000 €ko kopurua bideratuko da.
Edozein izaera juridikopean sorturiko enpresa jarduera sortzeagatikgatik, jarduera burutzen duena pertsona fisikoa edo pertsona juridikoa dela  laguntzen da. Lehen aldiz autonomo jartzen diren eta bere kontu lanean hasi berriak laguntzen dira lerro honetan. Laguntza jasotzeko ez da ofizina fisikorik behar, etxetik lan egin edo lantegiren batean autonomo hasi berri diren pertsonek ere jaso dezakete. 

Eskaerak, urriaren 15a arte
Eskaerak urriaren 15a bitartean udaletxeko sarreran edo Azpeitia Berritzenen entregatu beharko dira. Informazio gehiago behar duenak Azpeitia Berritzenera jo daiteke: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. idatzi, 943 15 71 83 telefonora deitu edo Sindikatu Zaharreko 2. solairura.

Laguntzen oinarriak

Gehiago irakurri
Azoka plazako elikagunea Artxara Kooperatiba Elkarte Txikiak kudeatuko du

Azoka plazako elikagunea Artxara Kooperatiba Elkarte Txikiak kudeatuko du

Azpeitiko azoka plazako elikagunearen kudeaketa esleitu du Udalak eta irabazi asmorik gabeko Artxara Kooperatiba Elkarte Txikiaren esku geldituko da bertako produktuen salmentarako saltokia, obrak bukatu ostean. Proiektu bakarra aurkeztu zen lehiaketa publikora, eta kontratazio mahaiak teknikoki balorazio altua eman zion proiektuari eta uztaileko plenoan eman zitzaion onespena, aho batez, esleipenari.

Gehiago irakurri
Betharram eraikinaren itxura erabakitzeko galdeketa abian da, hilaren 24a bitartean

Betharram eraikinaren itxura erabakitzeko galdeketa abian da, hilaren 24a bitartean

Betharram eraikinaren kanpoko itxura erabakitzeko galdeketa abian jarri dute Azpeitiko Udalak eta Iraurgi Ikastetxeak. Gaurtik hilaren 24ko gauerdira arte izango dute 16 urtetik gorako herritarrek botoa emateko aukera Internetez. Aurrez aurre botoa eman nahi dutenek irailaren 23an, larunbata 9:00etatik 12:30ak arte udaletxeko sarreran izango dute horretarako aukera. 

Gehiago irakurri

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information