wrapper

Oharrak

Lapatx zabortegiaren klausuratzea hastear da

Lapatx zabortegiaren klausuratzea hastear da

Duela egun batzuk sinatu zuten Lapatx klausuratzeko lehen fasean kontratua (guztira 6 fase izango dira). Hala, 2016ko abenduan 1ean, Lapatx itxi zenetik berriro zabortegi bezala ez erabiltzeko helburua lortzeko bidean da:zabirtegia behin betiko ixtea.

Hilabete luzeetako lana izan da Lapatxen klausuratzen hastea lortzearena, baina azkenean klausurarako baimen guztiak lortu ostean, obrak hastear dira: “Itxi genuenetik hauxe lortu arte ez dugu etsi. Guk zabortegia ixteaz gain klausuratzea nahi dugu, berriro hemen zabortegia izateko tentaziorik ez dezan izan inork. Azkenean lortu dugu, eta urte luzeetako eta fasekako prozesua izango bada ere, ibilbidea hastera goaz”, azaldu du Aitor Bereziartua Urola Erdiko Mankomunitateko lehendakariak.

Gehiago irakurri
Herritarrek Udalarekin duten harremana arindu eta errazteko jarriko da abian astelehenean Herritarren Arreta Zerbitzua

Herritarrek Udalarekin duten harremana arindu eta errazteko jarriko da abian astelehenean Herritarren Arreta Zerbitzua

Astelehenean jarriko da abian Herritarren Arreta Zerbitzua, udaletxeko lehen solairuan. Udalak herritarrei eskaintzen dien zerbitzua hobetzea eta tramiteak arintzea eta barne funtzionamendua hobetzea ditu helburu. Gaur aurkeztu dute Estitxu Elduaien eta Aitor Bereziartua zinegotziek bulego berria. Aldaketa nagusienetako bat, ordutegia izango da; astelehenetik aurrera astelehenetik ostiralera 7:30etatik 15:30etara irekita izango da irekita bulegoa herritarrentzat. Larunbatetan 9:00etatik 12:30etara ere izango da herritarren zerbitzura.


Udaletxeko lehen solairuko zati handi bat  egokitu da herritarrentzako erosoagoa bilakatu eta udalarekin izan ditzakeen harreman oro behar bezala atendituta izateko: "Herritarrei arreta integrala eta zentralizatua eskaintzea da helburua. Herritarrak duen behar, tramite edo zerbitzu oro leku bakar batean atenditu eta irtenbidea bertan emango zaio. Harreran egongo diren pertsonek atentidutko dituzte, eta helburua da gune horretatik mugitu gabe, bertan ematea zerbitzua", adierazi du Estitxu Elduaien zinegotziak.

Tramite sinpleenetik hasi eta teknikariekin hitz egin beharreko kontu pertsonaletara arte bertan egingo dira. Bulego berezi bat ere egokitu dute kontu pertsonaletarako, teknikariak zein politikariak bertara etorriko dira herritarrak atenditzera.

Hala, zerga kontuak egitera ez da kontuhartzailetzara joan beharko, edo hirigintzako obra baimenak eta egitera ere ez. Ate bakarra ere izango da udaletxearekin harremanetarako astelehenetik aurrera hirigintzako atea itxi egingo delako.

Aldaketa nagusiak

  • Ordutegia zabaldu da: goizeko 07:30etik 15:30era, eta larunbatak ere mantendu egingo dira, nahiz eta 09:00etatik 12:30era (uztaila eta abuztua salbu, eta zubi egunak kenduta). 
  • Lekua egokitu da bertan jende gehiago atenditzeko, 3 mahai, itxaron zerrenda ahalik eta txikiena egoteko, eta zain egon behar duena ere eroso egoteko. Bulegoko sarreran zenbakia hartu beharko dute herritarrek eta egokitzen zaienean 
  • Zerbitzuen eskaintza zabaldu da eta hauek dira egingo direnak:
  •  Udalaren eta herritarren informazioa (Udalak ematen dituen zerbitzuak, udal jarduerekin zerikusia duten agiriak eman, deialdiak...). telefonoz, emailez edo aurrez aurre; tramite ugari (Agiriak erregistratzea,  biztanleen Udal Erroldari lotutakoak; diru-laguntza eskariak erregistratzea; obra baimenen eta jarduera lizentzien eskariak, baita jarduerak irekitzeko aurrekomunikazioak erregistratzea ere; lan eskaintza publikoetan parte hartzeko eskaerak aurkeztea; udal argibide-eskaerak eta Gipuzkoako Foru Aldundiak eta Eusko Jaurlaritzara zuzendutakoak,Udalak duen hitzarmena dela eta; ondasunen eta eskubideen gaineko kalteak erreklamatzea; administrazio-tramiteei buruzko informazioa ematea eta tramiteak hastea: baldintzak, dokumentazioa; katrastoaren kudeaketa; lusbaliaren kudeaketa; kexa, iradokizun eta matxurak aurkeztu; IMSERSOko opor programaren kudeaketa.

Hala ere, bada aldaketarik izango ez duen sail bat, Gizarte Zerbitzuena: "Gizarte Zerbitzuen erabiltzaileen intimitatea bermatu nahi dugu; zita pertsonal asko izaten dituzte, eta ohiko funtzionamenduarekin jarraitzea erabaki dugu", zehaztu du Elduaienek. 


Hobekuntza handiena diru bilketan egingo da. Astelehenetik aurrera ordainketak helbideratu, zorrik ez edukitzearen ziurtagiriak jaso, ordainagiri bikoiztuak lortu, autolikidazioaketa ordaindu gabe dauden ordainagiriak kudeatu ahal izango dira udaletxetik irten gabe: "Orain artean ordaindu gabeko fakturak banketxeetan ordaindu eta ziurtagiria ekarri behar izaten zen udaletxera. Hemendik aurrera bertan ordaintzeko aukera izango da, eta asko erosotasun handia izango da herritarrentzat", gaineratu du. 

Efizientzie eta barne funtzionamendua hobetzea helburu

Herritarrei eskaintzen zaien zerbitzua hobetzeaz gain, Udal administrazioa azkartu eta efizienteago izatea: barne funtzionamendua hobetzea ere bada helburua: "Tramitazio eta ohiko zerbitzuak Herritarren Arreta zerbitzuan emateko, orain arte egon den lan egiteko moduari buelta bat eman zaio, egiturak, funtzionamenduak, etb berraztertu dira, eta barne funtzionamendua hobetzeko pausoak ere eman dira. Helburua da udala ere, bere barne funtzionamenduan, ahalik eta eraginkor eta efizienteena izatea", azaldu du Aitor Bereziartua zinegotziak.

Udalaren helburua hasieratik izan da herritarrei ahalik eta zerbitzu honena ematea, eta administrazioa azkartu, eguneratu eta efizienteago egitea. Bide horretan pauso garrantzitsua da HAZ abian jartzea.  Baina izango da beste pausorik, hala, Bereziartuak aurreratu du udazkenean "beste salto esanguratsu bat emango dela": administrazio elektronikoa martxan jarriko da: "Horrek aurrerapauso eta erosotasun handia ekarriko dio herritarrari, aurrez aurreko zerbitzuaz gain internet bidez tramite guztiak egiteko modua izango duelako, edozein ordutegi eta egunetan. Hori martxan jartzeko lanean buru-belarri ari gara orain, udazkenen amaierarako guztia prest egongo da. Halere, dagokion unean aurkeztuko dugu eta herritarrek behar adinako informazio guztia izango dute eskura, abian jarri aurretik", zehaztu du. 

 

Bihar itxita, astelehenetik ordutegi zabalagoa

Aldaketa nagusienetako bat, ordutegia izango da; astelehenetik aurrera astelehenetik ostiralera 7:30etatik 15:30etara irekita izango da irekita bulegoa herritarrentzat. Larunbatetan 9:00etatik 12:30etara ere izango da herritarren zerbitzura.

Astelehenerako azken azpiegitura teknikoak egokitzeko lanak direla eta, bihar, ekainak 2, larunbata udaletxea itxita egongo da. 

 

Gehiago irakurri
Herritarren denboraren erabilera neurtzeko inkestak bidaliko dira etxe guztietara

Herritarren denboraren erabilera neurtzeko inkestak bidaliko dira etxe guztietara

Herritarren denboraren erabileraren azterketa egiten hasia da Udala, eta eragileekin hainbat bilera eta aurre lan egin ostean, herritarrei beren eguneroko denbora nola, zertan eta zeinekin igarotzen galdetuko zaie, inkesta bidez. Inkestak datorren astean etxe guztietara banatuko dira, udaletxean ere izango dira eskuragai eta online egiteko aukera ere eskainiko da.

Gehiago irakurri
Azpeitiaren eta Hazparneren senidetzea ospatzeko jaia izango da larunbatean

Azpeitiaren eta Hazparneren senidetzea ospatzeko jaia izango da larunbatean

Besteak beste, Zelai Luzen zuhaitza landatu eta senidetze hitzarmena berrituko dute bi herrietako ordezkariek. Ondoren, bazkaria izango da Azoka Plazan. Bazkarira joan nahi dutenek bihar arteko epea dute izena emateko udaletxeko Kultura saileko bulegoan edota 943 15 70 68 telefono zenbakira deituta. 


Aurten 31 urte dira Azpeitiak eta Hazparnek lehenengoz senidetze hitzarmena sinatu zutela. Eta larunbatean hitzarmen hori berrituko dute, Azpeitian ospatuko duten senidetze jaian. Egun guztirako egitaraua antolatu dute: aurrena, hazparnetarrei ongietorria egin eta hamaiketakoa egingo dute; gero, kalejira egingo dute Udal Musika Bandak eta bi herrietako ttuntturroek; eta, jarraian, bi herrietako udal ordezkariek zuhaitz bat landatuko dute Zelai Luzen. Horren ostean, bi herrietako alkateek senidetze hitzarmena berrituko dute udaletxean egingo duten ekitaldian, eta, ondoren, bazkal aurretik, Hazparneko eta Azpeitiko pilotariek bi partida jokatuko dituzte Frontoi Txikin. Bazkaria Azoka Plazan izango da, eta bazkalondoa Piano bat bertsotan hirukoaren doinuek alaituko dute.

Bazkarira joan nahi dutenek bihar arteko epea dute izena emateko, udaletxeko Kultura saileko bulegora joanda edota 943 15 70 68 zenbakira deituta. Helduek 25 euro ordaindu beharko dute bazkarirako txartela, eta 12 urtetik beherako umeek, 10 euro. 

Menua Azoka Plazako Elikaguneko kideek osatu dute, “zero kilometro” produktuekin. Honako hau izango da helduentzako menua: mahai gainekoak, salmorejoa kantauriko hegaluzearekin, Nafarroako zainzuri freskoak, Basatxerri masailak ardo saltsan, Azpeitiko ardi gaztak Errezilgo sagar dultzearekin, esne gozoa garaiko fruituekin, kafea eta patxarana. Honako hau, berriz, umeentzako menua: makarroiak tomatearekin eta txorizoarekin, albondigak barazki saltsan eta esne gozoa garaiko fruituekin.

Iazko irailean Hazparnen egin zuten senidetzearen 30. urteurrena ospatzeko jaia. Ordukoan, bi herrietako 200dik gora lagunek parte hartu zuten, eta oso egun polita izan zela izan zela ziurtatu zuten Azpeitiko udal ordezkariek. Horregatik, herritarrei larunbateko jaian parte hartzera dei egin diete, hazparnetarrekin harremanak egiteko aukera aproposa izango delako.

Egitaraua

10:45 Ongi etorria hazparnetarrei, Sanagustin aretoan. Hamaiketakoa egongo da.

11:00 Kalejira, Azpeitiko Musika Bandarekin eta bi herrietako ttuntturroekin.

11:30 Hazparnekoek emandako zuhaitza landatuko dute Zelai Luzen.

12:00 Senidetze hitzarmena berrituko dute udaletxean egingo duten ekitaldian.

12:30 Bi herrietako pilotariek bi partida jokatuko dituzte Frontoi Txikin. Garai berean, kantu-jira ibiliko da herriko kaleetan zehar, plazatik abiatuta.

14:30 Bazkaria Azoka Plazan.

16:00 Kantu eta musika emandaldia Azoka Plazan. Piano bat bertsotan hirukoa ariko da.

19:00 Hazparnera itzulera.

Gehiago irakurri
Garmendipeko belar artifizialezko futbol zelaia berrituko du Udalak, udan

Garmendipeko belar artifizialezko futbol zelaia berrituko du Udalak, udan

Ekainaren 18an hasiko dituzte lanak, eta herriko futbol taldeek aurre denboraldia hasterako prest izango da zelai berritua. Batetik, obra zibila egingo dute, putzurik sortu ez dadin; eta bestetik, belar berria jarriko dute. Udalak 356.422,95 euro inbertituko ditu lan horietan.

Gehiago irakurri
UDALA EGOERA EKONOMIKO ONEAN; 2017KO GASTUEN BETETZE MAILA %86KOA IZAN DA, ZOR BIZIA %11,2KOA DU ETA GERAKIN NABARMENA DU

UDALA EGOERA EKONOMIKO ONEAN; 2017KO GASTUEN BETETZE MAILA %86KOA IZAN DA, ZOR BIZIA %11,2KOA DU ETA GERAKIN NABARMENA DU

“Udalaren egoera ekonomikoa ona dela esanez hasi nahi dugu gaurko agerraldia, lehen ere behin baino gehiagotan esan dugu, eta gaurkoan datuek berresten digute orain arte baieztatu duguna. Egoera ekonomiko on, saneatu eta orekatu honek erakusten digu Udalaren orain arteko eta gaur egungo kudeaketa egokia eta diru publikoaren erabileran jarritako zuhurtzia”, agertu du Leire Goenaga zinegotziak.

Azpeitiko Udalak 27.726.334,88 eurotako behin betiko aurrekontua izan zuen 2017an, eta “pozik” esan dute gastuen betetze maila %86koa izan dela.

  • Behin betiko aurrekontuaren zenbatekoa altua izan da 2017an. Hasierako aurrekontuari 2016tik gehitu ziren gastuak eta 2017 urtean zehar egin diren kreditu gehikuntzak izan dira arrazoiak. Honek erakusten digu udalak gaur egun duen gaitasun ekonomikoa horrelako gehikuntzak egiteko.
  • Gastuen eta inbertsioen betetze maila %86koa izan da. Urtearen hasieran aurreikusi genituen asmo eta inbertsioak ia gehienak bete dira. Eta ez dira nolanahiko inbertsioak izan. Aurreko urtetik martxan zeuden proiektu eta obra hainbat bukatu ziren eta 2017an zehar proiektu garrantzitsuak jarri genituen abian. Artzubiko bidegorria eta Urrestillakoaren proiektua, urbanizazio lan ugari auzoz auzo, Basozabal, igerilekuko obrak, Loiolabideko zubia, Izarraizko atea parkea, Azoka plazaren bukaera, argiteria, baserri bideak… Inbertsioez gain arloz arlo ezarri genituen asmoak betetzen joan gara gai sozialetan, kultura zein hezkuntzan…
  • Inbertsioen betetze maila bezain garrantzitsua da gastuen eta sarreren arteko oreka mantentzea, dirua gastatzea edo inbertitzea bezain garrantzitsua baita sarrerak neurri berean izatea. Hasierako aurrekontuan aurreikusitako sarreren kopurua gainditu egiten dute 2017 urteko sarrerek. Sarreren aurreikuspenak egiterakoan zuhurtziaz jokatu genuela agerian gelditzen da. Sarreren atalean bereziki azpimarratu nahi dugu, egiten ari garen inbertsio eta proiektuak begi onez ari direla ikusten beste administrazioak eta diru-laguntza kopuru altuak ari garela lortzen. Basozabal, azoka plaza, bidegorria zein Esklabetako etxeak eraikitzeko diru-laguntza handiak lortu ditugu esaterako.
  • Beraz 2017 urteko aurrekontuak modu eraginkorrean kudeatu ditugula esan dezakegu, horren lekuko baitira datuak eta emaitzak.

Bestalde, gaur egun, udalaren zor bizia %11,20koa da, hau da 2.552.537,67 eurokoa da Azpeitiko Udalak duen zorra. Lehendik datozen, batez ere Soreasu eraiki zen garaitik datozen bi mailegutan banatuta. Mailegu bat 2020 urtean amortizatuko da guztira eta bestea 2027an. “Oso datu hona da, legeak ezartzen duen mugatik oso azpitik. Legeak dio udalaren zorra ezin dela izan aurreko urtean onartutako ohiko eskubideen %77ª baino handiagoa”, agertu du Estitxu Elduaien zinegotziak.
2017ko urtean izan den emaitza kontutan hartuta, gaur egun Azpeitiko Udalaren diruzaintza gerakina 13 miloi eurokoa da. Hemen zenbait finantzaketa lotuta daude, Urrestillako bidegorria esaterako. Eta bestalde 2017 urtean hasitako hainbat proiektu eta bukatu ez zirenak 2018 urtera txertatzen dira. Gerakina udalak erreserban edota gordeta izan ohi duen dirua da. Diru hori sor daitezkeen ezusteko edo proiektuak finantziatzeko erabili ohi da. "Poltsa oso ona du gaur egun udalak. Honek indarra ematen du azpeitiarren beharrei erantzuteko eta inbertsioak burutzeko. Bukatzeko, kudeaketa on eta egoki baten isla dira emaitzak eta datuak. Azken urteetako kudeaketa eta lanaren ondorioak dira. Hemendik aurrera ere aurrekontuak zuhurtziaz egiten eta gauzatzen jarraituko dugu, horrek soilik bermatuko baitigu urteko emaitza”, amaitu du Elduaienek.

Gehiago irakurri
%71 inguru bildu da gaika martxoan, behin-behineko datuen arabera, eta Udalak herritarrak zoriondu eta eskertu nahi izan ditu

%71 inguru bildu da gaika martxoan, behin-behineko datuen arabera, eta Udalak herritarrak zoriondu eta eskertu nahi izan ditu

Urritik Azpeitiko Udala eta Urola Erdiko Mankomunitatea urritik hondakin sistema berria abian jartzeko lanketan ari dira buru-belarri. Sistema berria %80an ezarrita eta hilabete eskasean lortu da helburua gaur prentsaurrean pozik Eneko Etxeberria Alkateak, Aitor Bereziartua Mankomunitateko Lehendakariak eta Orkatz Goenaga Mankomunitateko koordinatzaileak azaldu dutenez. Behin-behineko datuen arabera, martxoan Azpeitian hondakinen %71 inguru bildu baita gaika. 

Gehiago irakurri
Kultur sortzaile berrientzako Sorkuntza Bekara proiektuak aurkez daitezke maiatzaren 3a bitartean

Kultur sortzaile berrientzako Sorkuntza Bekara proiektuak aurkez daitezke maiatzaren 3a bitartean

Hirugarren urtez jarraian, kultur sortzaile berriak bultzatzeko, laguntzeko eta sortzeko beka abian da.

Proiektuak aurkezteko epea maiatzaren 3an bukatuko da. Kultura Mahaiak eta Udalak elkarlanean sortu zuten beka hau duela hiru urte: "Kultur mugimenduaren baitan egindako hausnarketen baitan, sortzaile berriek beren proiektuak abiatzeko beharrak zituztela ohartu ginen, horri erantzuna eman asmoz, elkarlanean osatu genituen bekaren oinarriak", azaldu du Ainara Larrañaga zinegotziak. Bi urtean, arrakasta handia izan du bekak, eta lehen urtean 6.000 euro beka izan bazen ere, iaztik 12.000 euroko diru-poltsa du.

Gehiago irakurri
Loiola helmuga turistiko gisa nazioartean ezagutarazteko ekintza plana osatuko da elkarlanean

Loiola helmuga turistiko gisa nazioartean ezagutarazteko ekintza plana osatuko da elkarlanean

Gaur goizean, Loiolan aurkeztu dituzte Azpeitiko Udalaren ekimenez egingo den planaren nondik nolakoak. Loiolaren eta Azpeitiaren izena, izana, ondarea, baloreak balorean jarri eta turismo jasangarriaren bidez ezagutaraztea da helburua. Horretarako, orain arteko erakunde eta eragileen elkarlana abiapuntutzat hartuta ekintza plan bat osatu nahi da, mugetatik harago, nazioartean, Europan zein munduan Loiola helmuga turistiko gisa erakusleihoan jartzeko. 

Gehiago irakurri
Izarraitz Frontoia berritu eta araudiko neurrietara egokituko du datozen hilabeteotan Udalak

Izarraitz Frontoia berritu eta araudiko neurrietara egokituko du datozen hilabeteotan Udalak

Pilotaren inguruan ibiltzen diren eragile guztiekin adostuta, Azpeitiko Udalak Izarraitz frontoia berritu eta egokitzea erabaki du. Aste honetan bertan hasiko dituzte obrak. 

Gehiago irakurri

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information