wrapper

Oharrak

UDALA EGOERA EKONOMIKO ONEAN; 2017KO GASTUEN BETETZE MAILA %86KOA IZAN DA, ZOR BIZIA %11,2KOA DU ETA GERAKIN NABARMENA DU

UDALA EGOERA EKONOMIKO ONEAN; 2017KO GASTUEN BETETZE MAILA %86KOA IZAN DA, ZOR BIZIA %11,2KOA DU ETA GERAKIN NABARMENA DU

“Udalaren egoera ekonomikoa ona dela esanez hasi nahi dugu gaurko agerraldia, lehen ere behin baino gehiagotan esan dugu, eta gaurkoan datuek berresten digute orain arte baieztatu duguna. Egoera ekonomiko on, saneatu eta orekatu honek erakusten digu Udalaren orain arteko eta gaur egungo kudeaketa egokia eta diru publikoaren erabileran jarritako zuhurtzia”, agertu du Leire Goenaga zinegotziak.

Azpeitiko Udalak 27.726.334,88 eurotako behin betiko aurrekontua izan zuen 2017an, eta “pozik” esan dute gastuen betetze maila %86koa izan dela.

  • Behin betiko aurrekontuaren zenbatekoa altua izan da 2017an. Hasierako aurrekontuari 2016tik gehitu ziren gastuak eta 2017 urtean zehar egin diren kreditu gehikuntzak izan dira arrazoiak. Honek erakusten digu udalak gaur egun duen gaitasun ekonomikoa horrelako gehikuntzak egiteko.
  • Gastuen eta inbertsioen betetze maila %86koa izan da. Urtearen hasieran aurreikusi genituen asmo eta inbertsioak ia gehienak bete dira. Eta ez dira nolanahiko inbertsioak izan. Aurreko urtetik martxan zeuden proiektu eta obra hainbat bukatu ziren eta 2017an zehar proiektu garrantzitsuak jarri genituen abian. Artzubiko bidegorria eta Urrestillakoaren proiektua, urbanizazio lan ugari auzoz auzo, Basozabal, igerilekuko obrak, Loiolabideko zubia, Izarraizko atea parkea, Azoka plazaren bukaera, argiteria, baserri bideak… Inbertsioez gain arloz arlo ezarri genituen asmoak betetzen joan gara gai sozialetan, kultura zein hezkuntzan…
  • Inbertsioen betetze maila bezain garrantzitsua da gastuen eta sarreren arteko oreka mantentzea, dirua gastatzea edo inbertitzea bezain garrantzitsua baita sarrerak neurri berean izatea. Hasierako aurrekontuan aurreikusitako sarreren kopurua gainditu egiten dute 2017 urteko sarrerek. Sarreren aurreikuspenak egiterakoan zuhurtziaz jokatu genuela agerian gelditzen da. Sarreren atalean bereziki azpimarratu nahi dugu, egiten ari garen inbertsio eta proiektuak begi onez ari direla ikusten beste administrazioak eta diru-laguntza kopuru altuak ari garela lortzen. Basozabal, azoka plaza, bidegorria zein Esklabetako etxeak eraikitzeko diru-laguntza handiak lortu ditugu esaterako.
  • Beraz 2017 urteko aurrekontuak modu eraginkorrean kudeatu ditugula esan dezakegu, horren lekuko baitira datuak eta emaitzak.

Bestalde, gaur egun, udalaren zor bizia %11,20koa da, hau da 2.552.537,67 eurokoa da Azpeitiko Udalak duen zorra. Lehendik datozen, batez ere Soreasu eraiki zen garaitik datozen bi mailegutan banatuta. Mailegu bat 2020 urtean amortizatuko da guztira eta bestea 2027an. “Oso datu hona da, legeak ezartzen duen mugatik oso azpitik. Legeak dio udalaren zorra ezin dela izan aurreko urtean onartutako ohiko eskubideen %77ª baino handiagoa”, agertu du Estitxu Elduaien zinegotziak.
2017ko urtean izan den emaitza kontutan hartuta, gaur egun Azpeitiko Udalaren diruzaintza gerakina 13 miloi eurokoa da. Hemen zenbait finantzaketa lotuta daude, Urrestillako bidegorria esaterako. Eta bestalde 2017 urtean hasitako hainbat proiektu eta bukatu ez zirenak 2018 urtera txertatzen dira. Gerakina udalak erreserban edota gordeta izan ohi duen dirua da. Diru hori sor daitezkeen ezusteko edo proiektuak finantziatzeko erabili ohi da. "Poltsa oso ona du gaur egun udalak. Honek indarra ematen du azpeitiarren beharrei erantzuteko eta inbertsioak burutzeko. Bukatzeko, kudeaketa on eta egoki baten isla dira emaitzak eta datuak. Azken urteetako kudeaketa eta lanaren ondorioak dira. Hemendik aurrera ere aurrekontuak zuhurtziaz egiten eta gauzatzen jarraituko dugu, horrek soilik bermatuko baitigu urteko emaitza”, amaitu du Elduaienek.

Gehiago irakurri
%71 inguru bildu da gaika martxoan, behin-behineko datuen arabera, eta Udalak herritarrak zoriondu eta eskertu nahi izan ditu

%71 inguru bildu da gaika martxoan, behin-behineko datuen arabera, eta Udalak herritarrak zoriondu eta eskertu nahi izan ditu

Urritik Azpeitiko Udala eta Urola Erdiko Mankomunitatea urritik hondakin sistema berria abian jartzeko lanketan ari dira buru-belarri. Sistema berria %80an ezarrita eta hilabete eskasean lortu da helburua gaur prentsaurrean pozik Eneko Etxeberria Alkateak, Aitor Bereziartua Mankomunitateko Lehendakariak eta Orkatz Goenaga Mankomunitateko koordinatzaileak azaldu dutenez. Behin-behineko datuen arabera, martxoan Azpeitian hondakinen %71 inguru bildu baita gaika. 

Gehiago irakurri
Kultur sortzaile berrientzako Sorkuntza Bekara proiektuak aurkez daitezke maiatzaren 3a bitartean

Kultur sortzaile berrientzako Sorkuntza Bekara proiektuak aurkez daitezke maiatzaren 3a bitartean

Hirugarren urtez jarraian, kultur sortzaile berriak bultzatzeko, laguntzeko eta sortzeko beka abian da.

Proiektuak aurkezteko epea maiatzaren 3an bukatuko da. Kultura Mahaiak eta Udalak elkarlanean sortu zuten beka hau duela hiru urte: "Kultur mugimenduaren baitan egindako hausnarketen baitan, sortzaile berriek beren proiektuak abiatzeko beharrak zituztela ohartu ginen, horri erantzuna eman asmoz, elkarlanean osatu genituen bekaren oinarriak", azaldu du Ainara Larrañaga zinegotziak. Bi urtean, arrakasta handia izan du bekak, eta lehen urtean 6.000 euro beka izan bazen ere, iaztik 12.000 euroko diru-poltsa du.

Gehiago irakurri
Loiola helmuga turistiko gisa nazioartean ezagutarazteko ekintza plana osatuko da elkarlanean

Loiola helmuga turistiko gisa nazioartean ezagutarazteko ekintza plana osatuko da elkarlanean

Gaur goizean, Loiolan aurkeztu dituzte Azpeitiko Udalaren ekimenez egingo den planaren nondik nolakoak. Loiolaren eta Azpeitiaren izena, izana, ondarea, baloreak balorean jarri eta turismo jasangarriaren bidez ezagutaraztea da helburua. Horretarako, orain arteko erakunde eta eragileen elkarlana abiapuntutzat hartuta ekintza plan bat osatu nahi da, mugetatik harago, nazioartean, Europan zein munduan Loiola helmuga turistiko gisa erakusleihoan jartzeko. 

Gehiago irakurri
Izarraitz Frontoia berritu eta araudiko neurrietara egokituko du datozen hilabeteotan Udalak

Izarraitz Frontoia berritu eta araudiko neurrietara egokituko du datozen hilabeteotan Udalak

Pilotaren inguruan ibiltzen diren eragile guztiekin adostuta, Azpeitiko Udalak Izarraitz frontoia berritu eta egokitzea erabaki du. Aste honetan bertan hasiko dituzte obrak. 

Gehiago irakurri
Ikastaro eskaintza, zabala  Deusto, IMH eta Nabarralderekin antolatuta

Ikastaro eskaintza, zabala Deusto, IMH eta Nabarralderekin antolatuta

FORMAZIO ESKAINTZA
Ikastaroa Data Izen emateko azken eguna
Munduko erlijio handiak. Eta guri zer?

Apirilak 10.17,24 eta maiatzak 8, 15 eta 22

Ordua: 16:30etatik 18:30etara

Apirilak 9 
Etika esku-hartze soziosanitarioan jardunaldia

Apirilak 26

Ordua: 9:00etatik 13:45era eta 15:00etatik 17:00etara

Apirilak 20 
Zer dakizu Euskal herriko historiaz?

Martxoak 1, 8, 15 eta 22

Ordua: 17:00etatik 19:00etara

Otsailak 27
CAM POWERMILL (2 1/2 eta 3 ardatzeko frsagailuan). Hasiera.

Apirilak 9tik apirilak 20ra arte egunero

Ordua: 15:00etatik 19:00etara

 
CAM NX (2 1/2 eta 3 ardatzeko fresagailuan)

Ekainaren 4tik ekainaren 25era, egunero

Ordua: 15:00etatik 17:30era

 
Fagor fresaketa G kodean programatzea

Martxoaren 19tik 28ra, egunero

Ordua: 9:00etatik 14:00etara

 
Fagor programazio parametrikoa

Maiatzaren 7tik 11ra, egunero

Ordua: 16:00etatik 19:00etara

 
Perdoiak 1: Geometrikoak eta azalekoak. Maila erdi aurreratua

Apirilaren 16tik 26ra, astelehenetik ostegunera

Ordua: 9:00etatik 11:00etara

 
Perdoiak 2: Geometrikoak eta azalekoak. GPS ikuspegia. Adituak

Maiatzaren21etik 31ra, astelehenetik ostegunera

Ordua: 9:00etatik 11:00etara

 
Bilketa eta partekaketa hodeian

Martxoak 20 eta 22

Ordua: 15:00etatik 18:00etara

 
Produktibitatea hobetxeko Google tresnak

Martxoak 19 eta 21

Ordua: 15:00etatik 18:00etara

 
Prozesuen AEMA eta arriskuen kudeaketa

Ekainak 4, 5 eta 6

Ordua: 15:00etatik 18:00etara

 
Negoziaketa teknikak 

Martxoaren 5etik 13ra, astelehen eta asteartetan

Ordua: 15:00etatik 19:00etara

 
Planoen interpretazioa II. Bistak eta ebaketak

Otsailaren19tik martxoaren 22ra, astelehenetik ostiralera

Ordua: 18:30etatik 21:00etara

 
Planoen interpretazioa I. Perdoiak 

Apirilaren 16tik maiatzaren 3ra, astelehenetik ostegunera

Ordua 18:30etik 21:00etara

 
Solid Edge. Modelatue eta planoak

Maiatzaren 14tik 31ra, astelehenetik ostegunera

Ordua: 18:30etatik 21:00etara

 
Gehiago irakurri
Azpeitiarren etxebizitza beharra asetzeko Esklabetako eraikinean gazteentzako alokairurako 45 etxebizitza eraikitzeko hitzarmena sinatu dute

Azpeitiarren etxebizitza beharra asetzeko Esklabetako eraikinean gazteentzako alokairurako 45 etxebizitza eraikitzeko hitzarmena sinatu dute

Gaur goizean sinatu dute Azpeitiko Udalak eta Ingurumen, Lurralde Plangintza eta Etxebizitza Sailak esklabetako eraikinean batez ere gazteei zuzenduta egingo diren alokairu sozialerako 45 etxebizitzak eraikitzeko hitzarmena. Eneko Etxeberria Azpeitiko alkateak herritar guztiek duten etxebizitza eskubidea gauzatzeko proiektu pionero garrantzitsua izango dela azpimarratu nahi izan du: "Herritar orok du etxebizitza eskubidea, eta esklabetako eraikin historikoaren zati handi bat etxebizitzak egiteko erabiltzea, gure herriaren transformaziorako pauso garrantzitsua izango da".

Gehiago irakurri
Euskal Herriko produktuen plaza bilakatu da Azoka plaza

Euskal Herriko produktuen plaza bilakatu da Azoka plaza

Gaur inauguratu da Azpeitiko Azoka plaza berria. 300 lagunetik gora izan dira inaugurazio ekitaldian, herriko zein eskualdeko baserritarrak, lehen sektoreko eragile ugari, eta Eusko Jaurlaritza eta Gipuzkoako Foru Aldundiko arduradunak ere bertan izan dira. Gaurko ekitaldiaren ostean, astehelenetik aurrera, ohiko baserritarren azokez gain, bertako produktuen habia izango den elikagunea ere irekita izango da astelehenetik larunbat eguerdira bitartean. 

Gehiago irakurri
Herriguneko hondakinen sistema aldaketa, azken fasean

Herriguneko hondakinen sistema aldaketa, azken fasean

Herriguneko hondakin bilketa sistemaren aldaketa iritsi da azken pausora. Edukiontziak aldatzen hasiko dira pixkanaka, eta herritarrek txip-a erabiliz bota beharko dute organikoa eta errefusa. Aldaketa, orain arte "lasai eta ondo" joan dela azpimarratu nahi izan du Aitor Bereziartua Urola Erdiko Mankomunitateko lehendakariak. 

Gehiago irakurri
Kirol Orientazio Zerbitzua: jarduera fisikoa egiten hasi nahi dutenentzako doako aholkularitza zerbitzua

Kirol Orientazio Zerbitzua: jarduera fisikoa egiten hasi nahi dutenentzako doako aholkularitza zerbitzua

Aktibitate gutxi egiten duen jende asko dago. Hori dela eta sedentarismoari aurre egin, eta herritarrak ariketa fisikoa egitera erakartzeko zerbitzu berri bat eskainiko da Azpeitian. "Ariketa fisikoak onura fisikoez gain, sozializatzeko eta pertsonen hainbat gabeziari aurre egiteko bidea  dela uste dugu", adierazi du Estitxu Elduaien Kirol Batzordeburuak. 

Gehiago irakurri

Jakinarazten dizugu webguneak berezko zein beste batzuen cookieak dituela, eta horien bidez zerbitzu hobea eskaini nahi dizugu, eta nabigazio-esperientzia hobetu nahi dugu. Webgunetik nabigatzen jarraitzen baduzu, horrek esan nahi du onartzen duzula aipatutako helburuekin cookieak erabiltzea Informazio gehiagorako Cookien politika.

Webgune honetako Cookien politika onartzen dut

EU Cookie Directive Plugin Information